ائی کی, یوخدان بو جاهانی وار ائدن پروردیگار

یئری قایم گوگلری دووار ائدن پروردیگار.

`کونتو کنز`این آیتی وصفینده اولموشدور نوزول,

وارلیبینا `کون فکان` ایقرار ائدن پروردیگار.

جوملهٔی-عالمده سن گوندن دخی ظاهر, ولی,

دیلده دایم آدینی ستتار ائدن پروردیگار.

مومینه مسکن قیلاندیر بابی-جنناتو نیم,

کافری-مونکیر مقامین نار ائدن پروردیگار.

جومله اشیالار گوزون درخاب ائدندیر گئجه لر,

گوگده کووکبلر گوزون بیدار ائدن پروردیگار.

بیر قولونی اودا یاخوب, قیلدی فی-ناری-سقر,

بیر قولونی محرمی-اسرار ائدن پروردیگار.

میسر ایچینده یوسیفی بیر قول ایکن سولطان ائدن,

درد ایله یقوبینی بیمار ائدن پروردیگار.

یونیسی دریا ایچینده یوددوران بیر بالیبه,

آتشی ایبراهیمی گولزار ائدن پروردیگار.

یابدیران دریایا گوگدن ابری-نئیسان یابمورون,

قتپه سیندن لولویی شهوار ائدن پروردیگار.

انبییالار بخشینه یازدیران الا مرتبه,

موستفانی جومله دن موختار ائدن پروردیگار.

اون ایکی معصومی-پاکی پیش ائدن اوممتلره,

مورتضانی حئیدری-کررار ائدن پروردیگار.

لوطفیله احوالینا قیلگیل خطای نین نظر,

عشق ایچینده والئهی-دیدار ائدن پروردیگار.